أغنية تبحث عن لحن
-------------------
حبيتك يا شمس عمرى
============


حبيتك يا شمس عمرى ----- حبيتك يا لـــيلى وقمرى

لما كنت حقــيقة خيالى ----- والحب اللى شاغل بالـى

قد إيه كان حبـــــى ليك ----- قد إيه كان خوفى عليــك

يا ريت ما عرفت قلــبك ----- ولا قلبى كان انشـغل بك

حبيتك فى ليـالى وردية ----- وليالى الحب غالية علـيا
علشان اديتك قلبى بأديا ----- وروحى ودنيا كلها حنية


من بعد عهود خـــــــــــــــــدناها
من بعد ليالى سهـــــــــــــــرناها
من بعد سنــــين عشــــــــــــناها
حبيتك يا شمس عــــــــــــمرى

القى كلام الشــك فى عينك لـــــيا ؟؟؟؟

**************


ياما طال الليل علينا ----- والفجر كان ييجى ينادينا
نهرب مــنه
نبعد عــــنه
ونروح للقــــــمر فى ضــــــيه يدارينا


ساعتها مادقش قلبى إلا لك بس
وبغيرك انت ما كانشى يحـــــس

فى ضى القمــر
فى ضل الشجر
تحت المطــــــر
لينا ذكــــــــــــــــــــــــــــــرى

ما افتكرتش يوم كل دا يجرى


مين اداك الحـــــب دا
مين سقاك العطف دا


ما فاضلش غير الذكريـــــــات
انساها زى ما نسيت اللى فات
مدام قلبك بيكــدب
مدام عينك تخـون


من بعد عهود خــــدناها
من بعد ليالى سـهرناها
من بعد سنين عشناها
حبيتك يا شمس عمرى

ألقى كلام الشك فى عينك ليا ؟؟؟؟

*******************

زمان .. زمان عاهدت نفسى أستناك
وسيبت لك روحى تتعذب وياك


لعبت بيها ...هجرتها
بعدت عنها .. خونتها


وانا ما هجرتك أنا
وانا ولا خونتك انا


اللى بيننا حب سنين
وماضى متزوق بحنين
حب ما خطر
على بال عاشقين


حب ما شفته إلا معاك
ولا كان يسعدنى إلا لقاك


حيرت الدمع فى عينى
من كاس المر بسقينى
بعد الشك فين هاتودينى
يا ظالم قلبى وعينى


من بعد عهود خدناها
من بعد ليالى سهرناها
من بعد سنين عشناها
حبيتك يا شمس عمرى
ألقى كلام الشك فى عينك ليا ؟؟
-----------
ودمتم بكل حب